Page 38 - MIN VOS

AWEMainta Diabierna, 23 December 2016 25

Club Kibrahacha 60+ a celebra su fiesta di Fin di Aña

DIALUNA, 19 di december, Club Kibrahacha a celebra un tre-
mendo fiesta di Pasco na Hilton Hotel. E fiesta a habri cu Tommy
Figaroa riba harpa acompaña pa “Los 3”.

Despues coordinado Diana Uchtmann a habri cu palabranan di
bon bini y a gradici tur e fiel miembronan presente, boluntarionan,
staf y directiva di Kibrahacha pa un bon aña 2016 yen di actividad
danki na un y tur cu a duna su aporte pa por logra esaki.
Juliana Henricus a continua cu un oracion pa gradici Dios cu nos
di Kibrahacha ta celebrando ya pa 31 aña e fiesta di Pasco hunto.

Pa keda den e ambiente di Pasco tabatin diferente actuacion y canto
di Agaath van Vliet, Haydee Rodriguez y Wim cu Maybeline. Los
3 a habri e pista di baile.
Los 3 consisti di Bito Franken, Erick Uchtmann y Tommy Figaroa
cu a reemplasa Victor Ignasio cu ta di vacacion na Hulanda.
E biaha aki Los 3 a forma un tipico cu Ricky Figaroa, Miano y Carl
Giel y Ghonai Faro. Nan a trece hopi cantica di antes, “recordar
es vivir” y constant e pista di baile tabata yen. Los 3 a clausura e
celebracion cu Carl Giel cantando Dande deseanado un y tur un
feliz 2017.

Club Kibrahacha ta cera pa vacacion y ta habri bek dia 4 di januari
2017 cu Dande. Nos ta desea directiva, personal, miembro, bolun-
tario y tur su colabradonan un feliz Pasco y un prospero aña 2017.