Page 3 - AM190330

Diasabra, 30 Maart 2019 AWEMainta 3

Tumando na cuenta cu nada ta ser haci

Grupo di Maestro a uni den manifestacion pa hala

atencion di Parlamento y di Gobierno

P’e constante menasa, violencia verbal y hasta fisico

AYERA un grupo di docente a dicidi di manifesta pa hala atencion di

e.o. Parlamento y di Minister di Enseñanza, Armando Rudy Lampe,
pasobra nan no por mas cu e continuo violencia verbal y hasta fisico.
Pa straño cu por zona, e maestronan aki no a busca sosten di Sin-

dicato di Maestro (SIMAR), pero a dicidi pa institui nan propio
Comision di Maestro.
Ayera merdia, un grupo grandi di maestro a dicidi di marcha y a

bay primeramente pa Parlamento, unda su Presidente Ady Thijsen a
baha pa recibi e manifesto. Despues a sigui pa Bestuurscollege, unda

Minister Armando Rudy Lampe pa recibi e docentenan y manera a
ser bisa: Nan preocupacion ta grandi pa cu aumento di violencia y
fisico na pia di trabao den enseñanza.

E maestronan kier un plan con lo trata e situacionnan asina den fu-

ture, alabes nan kier un campaña di conscientisacion, unda maestro
y tur instancia cu tin di haci cu enseñanza ta envolvi.
Pesey a haci un peticion oficial na Minister Rudy Croes, pa wak con

por soluciona tur e menasanan aki, cu hopi di nan ta aparece tambe
riba rednan social.

“Nos ta sumamente preocupa pa motibo cu varios mayor no ta tene
nan mes na reglanan di skol, no tin seriedad pa nos Codigo Nacio-
nal cu a ser implementa y ta perde tur respet pa maestronan den tur

forma.
Manera ya ta conocio, tabatin varios incidente den pasado y reci-

entemente un pensionado, kende cu amor y passion pa enseñanza, a
ser agredi riba tereno di skol”.

E Comision di Maestronan kier un plan nan kier un campaña p’asina
educa/conscientisa nos riba nan derechonan. Alabes nan kier par-

ticipa den TUR decision riba e temanan manera un Codigo di Con-
ducta pa mayorm skol, maestro y alumnonan, p’asina concretisa nan
y yega na un plan concreto.Pesey motibo di nan carta ta, un peticion

na Gobierno pa sinta hunto cu nan y p’asina por yega na un plan di
implementacion y garantisa nan seguridad na pia di trabao.
Esaki pa nan ta keda e prioridad nr. 1. Nan kier wak inversionmnan

ser haci den seguridad na skol. Nan kier pa sindicato y instancianan
den enseñanza ta envolvi.
E comision aki tin e pensamento, cu prioridad ta ser poni riba varios

otro cos, menos den loke pa nan te prioridad nr. 1 cu ta Enseñanza.
E Comision ta spera di haya un reaccion riba nan puntonan di preo-

cupacion prome cu dia 3 di april awor.

Minister Rudy Lampe a bisa di sa si e situacionnan aki, y cu e ta tra-

hando riba esaki caba, Sigur e comision aki lo haya mas informacion
riba nan peticion prome cu dia 3 di april awor.