Page 22 - MIN VOS

AWEMainta Diahuebs, 15 December 2016 17

Barracudas Synchro a tene su competencia “Mini Arubaanse”

DIADOMINGO ultimo dia 11 di december Barracudas a tene
su competencia di Mini Arubaanse. E idea tras di e competencia
aki ta pa cera e aña cu un competencia general p’asina por evalua e
nivel di e atletanan prome cu e temporada di competencia cuminsa.

Tur atleta a participa na e evento aki. Ya di mainta trempan atleta
nan a yega y haci nan warm up y pa 9 or a cuminsa cu e competencia
di figuras.
Pa loke ta trata e figuras nan cu e categoria di Beginners mester a
haci tabata: Sailboat alternate y Somersault Back tuck.
Pa e categoria di 10 aña & menos y 12 aña y menos, a mustra nan
abilidadnan den Balletleg, Barracuda, Tower y Swordfish Straight
Leg.

Pa loke ta e categoria di 13-15 aña nan mester a haci e Ariana, Bar-
racuda Spinning 180, Albatross1/2 twist y Side Fishtail Split. E grupo
di 16-18 mester a demostra e Barracuda Airborne Split, Porpoise
Twist, Ibis Continuous Spin y Jupiter.
Despues di e competencia di figuras e atletanan a sigui cu e parti
di rutina y aki Huesnan a wak diferente aspecto pa ora di forma
seleccion cu lo representa Aruba na competencianan internacional.

Por ultimo a sigui cu e entregamento di medaya di tur categoria. Pa e
categoria di Beginner: medaya di pro a bai pa Cherry Anne Martes, e
medaya di silver pa Xiana Hoo y e medaya di brons pa Zianthe Kock.
Pa 10 & under e medayanan a wordo gana como lo siguiente: oro
pa Sofia Cardona, silver pa Abizahi Sanchez y brons pa Sylvana
Cardona.
Pa 12 & under Oro a bai pa Mikayla Morales, silver pa Avigayle
Tromp y brons pa Abigail Sanchez. 13- 15 oro tabata pa Kaina Croes,
silver pa Meghan Tromp y brons pa Janelly Piña. Y den e categoria
di 16-18 oro a bay pa Abigail de Veer y silver pa Mary Jane Wong.

Por wak mas potret di e competencia aki como tambe otro ac-
tividadnan di Barracudas Synchro Aruba rib’e pagina di Facebook
corda like and share Barracudas como e unico club di landamento
sincronisa na Aruba.