Page 25 - MIN VOS
P. 25
AWEMainta Diahuebs, 15 December 2016 23
Salud ta na prome luga!
MetaCorp
cu chekeo di
salud pa tur su
empleadonan
A check sucu, presion y peso
METACORP a organisa un chekeo di salud pa nan emplead-
onan. MetaCorp hunto cu tur su subsidiario nan a wordo a ricibi
bishita di Wit Gele Kruis.
Olga Goddet di Wit Gele Kruis ta un di e personanan encarga
cu e chekeo aki.
E prome impresion ta cu mayoria empleado ta den bon condicion
di salud. Algun tin presion halto, pa cual a splica e consecuenci-
anan y a comparti conseho con pa biba mas saludabel y pa reduci
nan nivel di presion, sucu y colesterol.
E trahado di Wit Gele Kruis a elogia e hecho cu MetaCorp ta
tene e control aki pa nan trahadonan. El a indica cu un cantidad
promedio di 235 empleado a participa den e chekeo di salud.
Empleado a comenta cu nan ta hopi contento cu tin e oportuni-
dad pa check nan salud cu Wit Gele Kruis. “Nos ta gradicido cu
nan a bin cerca nos”, empleado ta expresa.
El a agrega cu pa fin di aña tur hende ta purba di keda den forma,
aunke e ta un temporada unda tur hende ta come hopi. Locual
mester purba di haci ta come bon y pa no abusa.
“Mi ta haya e iniciativa aki di e compania hopi bon. E aña aki ta
e prome biaha cu nos ta hacie dos bes pa aña. Empleadonan ta
haya e iniciativa aki hopi bon”.
Awor cu ta haci e chekeo di salud aki dos biaha pa aña por analisa
unda bo tabata e prome biaha y tene un otro control algun luna
despues.
