Page 19 - HOH
P. 19
Pa e motibo aki tur sindicato y diferente gremio social manera ATIA y KvK mester a
pone nan prioridadnan; e puntonan cu nan tin cu mester wordo atendi segun nan
deseonan.
FTA y varios sindicato tambe a hacie y mester fiha locual nan tur ta considera prioridad
pa esaki wordo atendi y sigur e parti di ehecucion of reforzamento di leynan ta hopi
importante, segun sr. Hubert Dirks.
E lider sindical a comenta cu ta algo conoci cu na Aruba tin hopi ilegalidad,
specialmente den e area laboral tine riba diferente tereno. Entre otro e seguridad
mescos cu salud na pia di trabao, ta hopi importante.
El a relata cu un par di aña pasa, FTA a participa den un conferencia riba esclavitud
moderno, cu a wordo organiza na Aruba, y eyden a wordo bisa cu e situacion cu e
trahador ta biba den su ambiente di trabao mester ta adecua y den e caso aki tin hopi
situacion manera edificionan yena cu scheme cu ta malo pa salud, y awendia tin
trahadornan cu diferente sorto di malesa cu ta traha riba e defensa di nan curpa, cu
nan no sa di unda nan ta bin.
E sindicalista a señala cu si tin ley mester percura pa cumpli cu esaki door di haci
inspeccion, sea for di DTI, Departamento di Labor, Departamento di Salud. Sr. Dirks tin
entendi cu SVb ta hacie pero tambe SIAD mester haci e inspeccion como tambe
Brandweer.
El a agrega cu na unda cu falta e ley mester dreche. Segun sr. Dirks Arbowet (Ley di
condicionnan laboral) mester wordo introduci na Aruba. E no ta wordo introduci podise
pa miedo na e ley y cu kizas e ta bay costa e dunador di trabao hopi, ademas cu basta
trabao mester wordo haci pa un ley asina bin na vigor, pero e ta hopi importante.
https://www.diario.aw/2019/03/arbowet-mester-wordo-introduci-na-aruba/
