Page 21 - HOH

Awendia, por wak e diabetes aki den hendenan mas jong cu 45 aña. Esey tin di haber
cu e estilo di bida. Esey ta haci cu no solamente na Aruba pero tambe mundialmente, e
prevalencia di e hendenan cu ta wordo diagnostica cu e malesa aki ta bira mas y mas,
Dr. Vis a remarca.

Pesey mester haci e hendenan mas alerta cu no por sigui asina, e medico a subraya.

Pa evita esaki mester cuminza un caminda. Cu e grupo di hende cu ta diagnostica caba

cu diabetes, pero mester hinca mas esfuerzo den prevencion.

Fundacion Diabetes Aruba ta para pa esey. Pa bin cu cambionan y traha riba maneho.
El a agrega cu hopi cos a cambia na Aruba caba pero mester bin cu mas cambionan.

“Awendia tin e linear park, tin e parke Jaburibari, parke di curazon. Na Pos Chikito
tambe tin un bunita linear park y mi ta wak cada bez hendenan ta move mas”.

Scolnan tambe mester bin cu proyectonan y educacion na cas. E salud ta cuminza for di

e barica di e mama caba. E factornan di risico di diabetes ta cuminza caba durante e
embarazo, a bisa.

Mester cuminza eynan caba y FDA hunto cu Wit Gele Kruis, docternan di scol y

juffrouwnan di scol pa monitor e estilo di bida. Mester bin un maneho p’e, a enfatiza.

Awendia ta wak cu tin pensa di hisa impuesto pa productonan cu tin hopi sucu, cigaria y
alcohol. Eseynan tambe ta factor di riesgo no solamente pa diabetes, pero pa

malesanan cardiovascular.

Tur esaki, segun Dr. Vis, mester wordo poni den strategianan pa ataca e problema
granki aki.

https://www.diario.aw/2019/03/awendia-hendenan-mas-jong-cu-45-ana-ta-
hayando-diabetes-tipo-2/