Page 17 - BNDIA ARUBA

A16 HENDE HENDE A17
Diaranson 24 october 2018 Diaranson 24 october 2018

Jeon a bishita varios scol pa stimula nos hubentud

ORANJESTAD - Recientemente e hoben artista
Jonathan Thiel miho conoci como Jeon a bishi-
ta varios scol riba nos isla. E paseo aki tabata tin
como meta principal pa comparti experiencianan
y lesnan di bida di Jeon na nos hubentud escolar.

Tambe a probecha pa asina invita e hubentud pa bin bira
e espectaculo mas grandi cu Jeon a yega di duna Aruba
durante ‘Island Takeover Festival”. E concierto aki lo tin
presentacion di J Balvin, Bad Bunny, Alex Sensation y
Jeon mes entre dia 1 pa 4 di November 2018 riba nos
isla na Harbor Arena.

E scolnan cu a bishita tabata Juliana School, Maria Col-
lege, Mon Plaisir College, Colegio San Antonio, EPB
Oranjestad, SPO Santa Cruz y EPB San Nicolas. Jeon
acompaña hunto cu algun otro amigo musico a conta su
experiencia y lesnan di bida pa asina stimula e hobennan
den nan trayecto escolar. Naturalmente algun tononan
musical no a falta.

Jeon a conta cu e mes a sali for di scol na un edad hopi
hoben y despues a arepenti esaki masha hopi. E ta sigui
splica cu ta importante pa hobennan haci tur nan es-
fuersonan durante e temporada di scol pa asina por pre-
para nan pa un miho futuro. Despues cu Jeon a ripara
cu su decision no tabata esun miho, el a drenta scol bek
y a logra caba su scol, pero na un edad mas halto cu un
hoben cu si a sigui su trayecto di scol regular. Jeon a
stimula e hobennan tambe pa kere den nan mes y ora
cu nan haya un inspiracion den nan bida pa pusha pa
por logr’e. Loke bo pone den bo mente y curason bo lo
logr’e, tabata un di e mensahenan fuerte di Jeon.

Tanto e studiantenan como tambe e docentenan a aprecia
cu Jeon a tuma su tempo pa asina papia cu e hobennan. Na
varios scol den klas por a mira cu e hobennan tabata hopi
entusiasma cu Jeon ta den nan klas. Gritonan di alegria
y sacamento di selfie tabata acompaña tur e bishitanan.

Na final di e sesion Jeon a regala algun ticket y a invita
e hobennan pa ta presente na e festival di mas grandi na
Aruba cu lo tuma luga na luna di november proximo.
Ta trata di Island Takeover Festival cu presentacion di J
Balvin, Bad Bunny y Alex Sensation.