Page 12 - AVB

Campeonato 2018/2019 “SUB 9 ORO” Yegando Su

Final Apoyo Pa E Futuro Futbolistanan Estelar Di

Aruba

 Deporte
- 05/06/2019

Diadomingo mainta a tuma luga e semi final di e campeonato 2018/2019 Lifida SUB 9
Oro di Arubaanse Voetbal Bond (AVB) den Stadion Frans Figaroa na Noord. E teamnan
cu a enfrenta otro tabata La Fama contra Estrella y RCA contra Britannia.

Den stadion tabatin hopi ambiente, mayornan a presenta pa mira e muchanan hunga. Di
parti di directiva di AVB, Harvey Clement, gerente di campeonato, a expresa di ta hopi
contento con e campeonato a caba. Tin cosnan cu mester drecha hunto, consistiendo di
clubnan, AVB, mayornan y di refereenan, pasobra asina ta organisa futbol.

AVB ta extende un invitacion na tur fanatico di futbol pa bin apoya e muchanan, pasobra
nan ta e futuro futbolistanan estelar di nos pais. “Nos tin cu sostene y mustra nan cu nan
campeonato ta importante tambe”, asina Harvey Clement a duna di conoce.

Diadomingo awor dia 9 di Juni pa 8:30am e dos (2) team ganado lo topa otro buscando e
titulo di campeon, despues lo tuma luga e wega pa di 3 y di 4 luga.