Page 15 - AVB

Despues Cu AVB A Introduci Varios Cambio

Campeonanto Di Lifida U5 A Termina Den Gran

Forma

 Deporte
- 05/06/2019

Den fin di siman e campeonato di Lifida U-5 a yega su final. Desde cu Arubaanse
Voetbal Bond (AVB) a tuma over, a yama tur club pa por a presenta e structura nobo den
U5 y U7. Den comienso semper ora tin cambio, tin resistencia pero clubnan a adapta na
esaki relativamente bon.

E tabata 1 aña sumamente exitoso pa locual tabata e cambio, segun Harvey Clement,
competitie manager di AVB. Por a mira lidernan, coachnan, clubnan a biba cu esaki. Tur
esaki ta un idea cu a bin di e Presidente di AVB, Ing. Richard Dijkhoff y hunto a carg’e.
A traha e plan y presenta esaki pa despues pone den funcion tambe.

A yega un final hopi exitoso, tabatin un ambiente cu personahenan di Disney cerca e
muchanan pa saca potret. E ambiente y union entre e clubnan ta importante pa AVB. E
muchanan di e edad aki ta hunga futbol, hopi mas minuut y ta custumbra cu e deporte,
despues bay mas tecnico ora nan crece.

Harvey Clement ta gradici e directiva di AVB pa sostene e proyecto y ta premira p’e
campeonato 2019/2020. Esaki a dura 10 luna, cual ta henter e temporada. Tambe ta
gradici tur e hendenan cu tabata encarga cu e ponemento y desarmamento di veldnan,
pasobra e no tabata facil tur diasabra mainta den e solo cayente. E mayornan cu sigur ta
trece nan yiunan pa participa den deporte.