Page 13 - BNDIA ARUBA

a13
riba caya Dialuna 15 aPRil 2019

Hoben riba bais a perde control cay den birada na Cas Ariba

ORANJESTAD – Weekend ultimo den oranan di atar-
di, den e birada di Cas Ariba, un mucha homber riba su
bais bahando e cero a perde control den e birada, y dal
abou keda herida.

Personanan cu tabata cerca di biaha a bay yuda e hoben y ra-
porta na autoridad.

Ambulance y polis a presenta di biaha na e sitio. Paramedico a
atende cu e hoben benta abou cu dolornan na curpa y asina a
transporte pa hospital.

Homber no ta compronde cu muhe no kier tende nada mas di dje

ORANJESTAD - Un polis pasando den Schelpstraat na
Playa a topa cu un pelea formal andando entre homber
y un muhe.

A constata cu e dama no kier tende nada mas di e homber, y
e homber no por a biba kere esaki y keda molestia e muhe y
pleita cune.
Polis a drenta accion di biaha, a pone e homber sinta den auto
y el a cuminsa yora debi cu e muhe no kier dun’e atencion
mas. Ambulance a keda solicita pa atende cu e persona, kende
a haya basta dolor na su pecho.
Polis a intermedia den e asunto aki, cu a dura basta rato.

Homber agresivo cu cuchiu den man deteni na Paradijswijk

ORANJESTAD – Weekend ultimo den oranan di at-
ardi, un homber agresivo a lanta cu famianan na un
cas den Caya Frene Antoon, y tabata tin cuchiu den su
man.

E lo tabata menasa tur hende. Patruyanan di Oranjestad a
acudi na e cas cu cautela y asina bay over na detene e cabayero,
y e tabata basta altera e momento ey.
Cu dog catcher a bay cune warda pa tuma dato.