Page 16 - BNDIA ARUBA

A16 HENDE
Dialuna 15 aPRil 2019

Arte di pintura y escultura ta multi beneficioso pa tur edad

ORANJESTAD - Recientemente e directora di Dreams
Wall Painting Aruba, Sandra van der Linde, a splica un
poco di e beneficionan di arte pa e generacion nobo y
e balor di planta, sembra y cosecha pa nos muchanan.

Sandra van der Linde ta conta cu nos mester ta hopi consci-
ente cu e mundo ta cambiando y nos pareu cu ne. Y ta di suma
importancia pa nos mira mas leu cu lo cual nos wowonan ta
mirando actualmente. E cambio aki ta uno super positivo y
no negativo. E punto ta di ki angulo nos ta mira esaki. Arte ta
un di e factornan esencial pa e generacion aki y ta e tarea di e
mayornan pa stimula esaki den nan yiunan.
Arte di pintura y escultura ta multi beneficioso pa tur edad.
Akinan ta sigui algun ehempelnan di beneficionan manera :
1) Ta fomenta e comunicacion entre e mucha y su mayornan
den un lenguahe diferente y personal.
2) Ta aumenta e autoestima.
3) Ta crea concentracion, sanacion y salud mental.
4) Arte di pintura ta humanisa hende y rebiba e amor pa crea-
cion, naturalesa y cultura.
5) Arte di pintura ta uno terapeutico. Pintamento ta haci cu bo
ta drenta un mundo propio, yena cu
posibilidadnan pa creatividad cual ta permiti aisla positiva-
mente di e realidad, lo cual ta genera descanso mental cu ta
disminui e stress y genera sentimentonan di felicidad y rela-
hacion. Esaki ta excelente pa particularmente hendenan cu
problema di agresividad y nerviosismo.
Continuacion riba Pag. 17