Page 25 - UTILTIES 16 MAY 2017

Record nobo pa CITGO Aruba Refinery

Monday, 15 May 2017 18:41
Comparti

CITGO Aruba Refinery ta contento di por anuncia cu durante luna di april 2017 nos departamento
Marino y di Operacion a encarga di procesa un cantidad record di 42 barco cu a drenta y sali di nos haf.

Desde 2013 e cantidad di barco cu ta haci uso di nos servicio di terminal a bin ta subi pero e luna di April
2017 ta un luna record no solamente pa e 42 barco cu nos a encarga di dje pero tambe nos tabata tin un
suma di casi 10 miyon bari di petroleo cu a pasa den nos area di terminal. Esaki kiermen cu durante luna
di april nos empleadonan marino como tambe nos operadornan a percura pa move na un manera sigur e
barinan di petroleo cu ta bin cu e barconan pa nos tankinan y tambe bek pa e barconan. Esaki ta un logro
grandi den e mesun dinamismo di nos hendenan cu ta trahando incansabel ariba e rehabilitacion di e
refineria. Nos empleadonan y contratistanan ta dedica na e projecto y tur cos ta canando segun e plan
inicial caminda awor aki nos ta den e fase di inspeccion y definicion exacto di trabounan necesario cu
start-up di e refinería den di dos mitar di 2018.

Mientras nos ta den e fase aki ya caba empleadonan y contratistanan a mobilisa y a cuminsa ehecuta e
evaluacion y ingenieria detaya cu mester tuma lugar ariba e unidadnan di e refineria como parti di e
rehabilitacion. Ademas di esaki ya caba departamentonan encarga ta cumprando e materialnan necesario
pa e fase aki di e projecto. Nos focus primordial na e momentonan aki ta pa planea y ehecuta e projecto
na un manera sigur y eficiente.