Page 23 - UTILTIES 16 MAY 2017

Minister Eman: Iluminacion den bario y caminda asfalta ta
hisa e calidad di bida den cada bario

Monday, 15 May 2017 20:43
Comparti

Pa Prome Minister Mike Eman, un miho calidad di bida ta draai rond di tur cos cu tin di haber cu maneho di su
Gobierno. Bishitando barionan semanalmente, e mandatario ta combersa y haya sa cual ta deseo di e pueblo. Un
punto cu ta bini dilanti tur siman
, for di 2009 pa awor ta: iluminacion di caya den e barionan.
E patronchi di bida di e Arubiano a cambia segun desaroyo di nos pais. Si antes tabata custumber pa famianan
sinta te laat pafo y combersa cu bisiña esaki poco-poco a bay perdi. Pa añanan largo Gobiernonan a concentra
riba aspectonan cu no tabata dirigi riba e calidad di bida di e ciudadano.
E vision di Prome Minister Mike Eman for di su prome Gobierno a pone enfasis riba un miho calidad di bida pa e
pueblo di Aruba, den tur skina di e pais. “Esaki ta un di e balornan hopi grandi di cana den bario tur siman. Ora di
cana den bario nos ta tuma nota di e deseo di bario. Nos a cana den e bario aki caba y a registra e dos deseonan
grandi di e bario. Un ta e luz y e otro ta e asfalt. Mi ta contento di por a cumpli cu un di nan y e otro tambe lo
cumpli cu ne. Hunto cu Minister Sevinger nos ta trahando riba un programa hopi grandi pa pone asfalt den
barionan unda cu no tin,” Prome Minister Eman a splica diahuebs anochi.
E programa Luz den Bario y Accion den Bario ta hopi importante pa Gobierno di Prome Minister Eman. “Pa nos ta
hopi importante di por cumpli cu e ciudadanonan. Ora nan papia cu nos nan sa cu nos no ta simplemente scucha y
lag’e sali pa e otro banda di orea. Nos ta registra e casonan, cu tin biaha ta dura un tiki, pero e ta yega.”
Programa Luz den Bario ta canando awor pa algun aña. Practicamente tur siman ta trece iluminacion den
barionan cu nunca antes tabatin luz. Di e manera aki ta ofrece e ciudadanonan un miho calidad di bida. Un
ciudadano cu tin su cas, kier haci uzo maximalmente di esaki. Door cu no tin e infrastructura necesario, no tin luz
ni caminda asfalta, “bo no por disfruta completamente di e placer di tin bo cas. Esey nos ta consciente di dje.
P’esey ora cu nos tende expresionnan manera hendenan no por come ‘klinkers’, no si sa cu e no ta bay pa e
piedra of e asfalt, pero ta e calidad di bida cu ta cambia ora cu bo tin un bon caminda dilanti bo cas y bon
iluminacion anochi. E ta permitibo sinta den veranda pa combersa y laga e muchanan hunga pafo. Hopi cos social
ta cambia den cambionan fisico, e ta un impacto social hopi positivo. Nos ta contento di por cumpli cu nos
ciudadanonan y hiba calidad di bida den tur e barionan,” Eman a reitera.