Page 28 - AM180823

28 AWEMainta Diahuebs, 23 Augustus 2018

Internacional

Jefe a ser haya na Anguilla,

despues di tabata confisca na St. Maarten

PHILIPSBURG - E Task Force An-
ti-Corupcion (TBO) na St. Maarten

a detene sr. Oneil Arrindel, ya cu e ta

ser sospecha di e.o. a muda intencio-
nalmente un yate luhoso cu tabata

confisca dor di Procurador General.

E sospechoso aki, Oneil Arrindel ta

un di e sospechosonan den e caso
Emerald y awor Ministerio Publico

ta trata di recupera e yate luhoso aki,

cu a ser obteni por medio di activi-
dadnan criminal.

E yate aki tabata totalmente cubri

cu lona y dia cu el a keda confisca,

tabata na Bobby’s Marina y no a
permiti’e pa bah’e na awa.

Tabata diadomingo dia 22 di juli, ora
cu Guardacosta a haci un control,

nan a bin nota cu e yate no ta na

Bobby’s Marina.

A cuminsa cu un busqueda, sin exito.
Tabata algun dia pasa, cu a descubi e

yate Jefe aki, na Anguilla, unda riba

peticion di Ministerio Publico a or-
dena Guardacosta pa confisca Jefe un

biaha mas y asina a hib’e bek pa St.
Maarten.

Esnan cu a haci nan culpable di move
articulo of propiedadnan confisca,

por haya un castigo di prison di sigur

4 aña.
E Task Force “Anti-Corruption” ta

tene su mes masha activo den con-

fisca propiedad cu ta procedente di
actonan criminal y asina enriquese

nan mes.