Page 21 - KPA

Chauffeur bou influencia di alcohol
deteni

Chauffeur a surpasa e limite:
Diabierna anochi na Simoen Antonio un desordo fuerte a lanta habitantenan na momento cu un auto
suzuki a impacta basta fuerte ariba un cura di cas. Den e impacto cu a kibra cura di cas bloki a bula
cay kibra bentana di cas y herida un hende paden. Ambulance a presenta pa controla hende herida
y tambe polis a pone e chauffeur supla y a surpasa e limite basta y a keda deteni.

Detenshon di 8 persona ilegal

Polis a cera e bar tambe:
Diabierna anochi Polis di San Nicolas a tene un control na Irian bar & restaurant y haya basta
persona indocumenta. Di biaha a bay over na detencion hunto cu personal di guarda nos costa.
Total di 8 persona a bay e post di Guarda nos Costa acompaña pa Polis. Polis a cera e bar tambe
ya cu e no tabata cumplu cu horarionan stipula.