Page 26 - KPA

ORANJESTAD(AAN): — Diadomingo, den careda di 1’or y 20 di marduga, patruya di
Playa ta bay na DO IT CENTER Camacuri, pa un caso di intento di ladronicia. Segun tin
di compronde, personal di security a bay controla rond di e luga y a bin ripara cu un
bentana y porta banda p’ariba tabata kibra. Polis a yega na e sitio, hunto cu team di
recherche, kendenan a presenta pa asina tuma dato di loke a sosode. Patruya a bay
controla den e vecindario, pero no a logra haya ningun hende.

Chofer di Tercel tabata drifting y a bay malo
na Eagle Beach

ORANJESTAD(AAN): Diadomingo, pa mas of menos 1’or y 35 di marduga, un Toyota
Tercel color blauw cla, numera A-24367, tabata haci ‘drifting’ na Eagle Beach.
Dado momento e chauffeur a perde control den drifting, y bay dal riba un otro auto
staciona. Hendenan eybanda a lanta contra e chauffeur di e Tercel, mirando cu e kier a
baha na awa sin regla cuenta.
Pa colmo e kier a bringa tambe. Manera cos cu nada no a pasa, el a sinta draai su auto
y despues bandona e lugar.