Page 33 - KPA

ORANJESTAD(AAN):— Diadomingo, pa mas of menos 4’or y 35 di marduga, patruya di
Noord a ser manda na Catiri, caminda un auto a dal den un cura di cas. Mesora patruya
a dirigi nan mes na e sitio y na yegada, nan a bin topa cu un Hyundai I10 color cora
number V-4766, pega riba un cura di cas. Polis a bay tuma dato di e sucedido. E dama
chauffeur a declara na polis cu e tabata biniendo for di zuid cu velocidad basta halto.
Diripente un cacho a sali su dilanti y el a perde control dal e cura bash’e abou. Daño
material tabata bastante grandi. No tabata tin ningun hende herida.

Trahado a yega net na ora sino “ayo”
brommer

ORANJESTAD,(AAN); — Diasabra anochi den careda di 10 pa 12 a presenta na warda di
polis un persona cu a pone polis na altura di intento di ladronicia. El a declara cu pa
mas o menos 11 or el a caba di traha na Dunkin Donuts situa riba L.G. Smith
Boulevard.E tabata canando den direccion di su brommer cu tabata staciona patras riba
e parkinglot.Ora el a yegando mas cerca di su brommer el a wak un homber
desconoci sinta riba su brommer y banda di su brommer tabatin un homber
para.Colega di denunciante P. a grita e hombernan desconoci y e dos hombernan a
core bay.a yega cerca su brommer y a constata cu e slot di stuur wiel a sufri daño.Ta
hopi cla cu e dos hombernan kier a horta e brommer di denunciante P.Un di e
hombernan tabata color bruin y bisti full na preto. E otro sospechoso tabata bisti cu t-
shirt cora.