Page 35 - KPA

ORANJESTAD,(AAN); — Patruya di polis a wordo dirigi na e Zandplein di Cas Casuela
relaciona cu kiebro den auto.

Na yegada polis a atende e señora cu a declara na patruya cu diasabra marduga
alrededor di 03:15 or el a staciona su Toyota Mark X shinishi riba Zandplein panort di
Al Jazar Trading N.V.

E la laga su auto sera, intacto y na ordo atras y riba e mesun dia marduga pa 04:00 or
el a bolbe na su auto y a constata cu desconocinan a destrui glas di bentana di porta
dilanti banda robez.

Den e auto intruso (nan) a listra y durante control el a constata cu su potmoni den cual
tabatin su pas di banco CMB, rijbewijs di Aruba y su paspoort a wordo horta. Keho di
destruccion y ladronicia a wordo tuma na e sitio y central ta na altura.

“Back Fire” lo a crea spanto

ORANJESTAD,(AAN); — Polis a bay riba instruccion di central di polis den Ribero straat
y vecindario di Ling’ s Restaurant debi cu a scucha tiro. Na caminda a drenta mas
informe cu na altura di Semeleer straat y Monserat tambe a wordo scucha
tironan.Patruya controla e vecindario completo pero nan no a constata nada particular.
Un di e otro unidadnan di polis a papia cu persona den vecindario y el a declara cu un
Jeep tabatin problema y e tabata “Back Fire” e sonido cu esaki ta produci tabata
mescos cu un arma di candela ta produci y e vehiculo a pasa den Semeleer straat ta
“back fire”.