Page 86 - FDLP

Tumando Lugar Na Russia: Aruba Preparando Pa

Mundial Di Beach Tennis

 Deporte
- 13/06/2019

Pa ya 8 aña consecutivo, e deporte di Beach Tennis, cu ta asorta bou di Federacion
Internacional di Tennis, esta ITF, ta organisa e mundial di Beach Tennis pa ekipo, cual ta
wordo teni na Moscow, Russia.

Aña pasa Aruba a debuta den e competencia y a keda na puesto # 12. Sigur un bon
comienso pa nos país, cual ta conocí caba den e deporte di Beach Tennis como tambe tin
e evento #1 di mundo, escogí p’e hungadornan mes. Aruba a wordo representa pa Aksel,
Sander, Maud y Dominique.

E weganan lo cuminsa dia 2 di juli y lo termina día 7. Aruba su seleccion ta den full
preparacion p’asina defende nan puesto y haci lo máximo pa keda mas halto posibel riba
ranking mundial. E aña aki, Aruba lo wordo representa pa Aksel Samardzic, Sander
Castro, Louis Posner, Eugemine Ignacio y Maartje Heerkens.

Pa sigur 3 di e hungadornan, nan prome experiencia den un torneo asina grandi. Aksel y
Sander a participa caba den 2018 y tambe tin mas experiencia cu torneo nan
internacional.