Page 87 - FDLP

Louis Posner, un di e promenan cu a cuminsa practica e deporte aki na Aruba, kende no
ta residencia na Aruba, pero a keda hunga bou di bandera di su isla.

Louis Posner sigur a keda practica e deporte aki, no unicamente na Hulanda, sino tambe
den torneo nan den full Europa y sigur tur aña ta nota su presencia den november durante
e ITF event organisa pa Beach Tennis Aruba.

Pa recapitula un rato e historia di e Mundial di Beach Tennis, den 2012 esaki a cuminsa
cu un total di 15 pais. Den 2013, un total di 20 pais.

Den 2014 por a nota un cremento atrobe den participacion, caminda 24 pais a participa
den e mundial,

Den 2015 mas pais a dicidi di participa, cu a hiba e total na 28 pais. E sorpresa e aña aki
tabata sigur e pais anfitrion, cual ta Russia.

Italia a logra mantene su titulo di campeon, pero Russia a logra kita e segundo lugar for
di Brazil. Aña 2016, e record di mas halto di participacion cu un total di 32 pais, tabatin
ainda mas sorpresa.

Russia no a keda contento cu e di dos lugar y a pasa pa bay cu e titulo mundial den Beach
Tennis lagando Italia na di dos lugar.

Den 2017, cu un total di 24 pais cu ta haci lo maximo pa defende nan pais lo mihor
posibel, Italia ta reclama su posicion como e campeonnan di Mundo y Brazil ta logra bin
bek y ocupa e number 2 di mundo lagando Russia na di tercer lugar.

Pa loke ta 2018, e mesun 3 paisnan a keda cu e puestonan di honor, pero un bes mas
Brazil ta tuma e titulo di campeon, sigi pa Italia y na di 3 lugar Russia.

P’e aña aki, 2019, tin un total di 16 pais confirma, cual ta: Italia, Russia, Francia,
Alemania, San Marino, Japan, Aruba, Chile, South Africa, Morocco, Poland, Latvia,
Brazil, Portugal, Spañia y Venezuela.

Aruba Beach Tennis, e organisacion local cu ta organisa evento practicamente tur luna, ta
hopi orguyoso di e localnan cu ta duna 100% di nan parti pa representa Aruba den
exterior. P’esnan cu ta desea di cuminsa practica e deporte aki, por pasa n’e veldnan situa