Page 39 - ARUBA BANK

Maduro: Segun raportahe di prome

cuartal, deficit birando surplus

Posted on 05/28/2019 11:34 am AST | Updated on 05/28/2019 11:38 am AST

ORANJESTAD – E deficit di pais Aruba ta birando surplus poco poco. Asina minister di
Finanza Xiomara Maduro a bisa e siman aki. E ta usa como referencia, e raportahe di
prome cuartal di presupuesto 2019. E taza di debe di gobierno tambe ta stabilisando
segun e mandatario. A haci mencion e.o. di cu 7 miyon di surplus a keda registra den e
prome cuartal. Esey kier men tambe cu tabatin mas entrada cu gasto. E tasa di debe (Debt
to GDP) a keda recalibra di 77.8 miyon pa 77.3 miyon. E entrada operacion a subi pa
45.5 miyon compara cu 32.7 miyon. Pa loke ta gasto operacional, esaki tambe a keda
reduci cu 3 miyon. Segun Maduro, e situacion ta stabilisando y ta considera esaki un
esfuerso combina di gobierno y comunidad di Aruba. A confirma cu e colegio di
supervision financiero CAFT tambe a ricibi e rapport aki y cu den e proximo simanan,
nan lo emiti nan reaccion riba e rapport aki. Por lesa e rapport completo AKI.