Page 45 - EXTRA

Djarason 14 Novèmber 2018 45
Hòmber ta

ninga di sa

ku tabatin

mariwana

den maleta

WILLEMSTAD.-
Resientemente e akusado
W.S. (43) a keda kondená
na un kastigu di 120 ora
di trabou pa komunidat
mas un periodo di prueba
di 3 aña pa kantidat di
mariwana ku el a trata na
importá for di Europa.
E tabatin e droga den
algun pakete hinká na
banda di su ekipahe.
Ministerio Públiko
ta akusá e akusado di
importashon di 30 gram di
mariwana.
Durante un kontròl
rutinario riba e maletanan,
duana a deskubrí 6 pakete
di kual tres yená den banda
nan falsu di e maleta,
despues di a hasi un
investigashon profundo.
E akusado a deklará na
polis ku e no tabata sa mes
di e paketenan.
El a splika ku un dia
promé ku e bula, e mes a
drecha su maleta. P’esei e ta
keda straño di e paketenan
ku droga.
Segun e akusado, el a
bin Kòrsou pa keiru i e mes
a kumpra su pasashi.
El a bisa ku el a mira e
paketenan promé bes ora ku
duana a konfront’é ku nan.
Fiskal no a kere nada di e
historia di e akusado pero ta
pensa mas bien ku e tabata
na altura di e paketenan.
Fiskal ta haña e
akusashon probá i ta
demandá e akusado na un
kastigu di prizòn di 270 dia
di kual 135 kondishonal un
periodo di prueba di 3 aña.
Abogado di e akusado
a bisa entre otro ku ta
su kliente mes a drecha su
maleta i no a nota nada
partikular.
Hues ku mester a tuma
un desishon a bolbe duna di
konos’é ku kada un persona
ku ta biaha ta responsabel
pa su maleta.
Mirando esaki hues
ta haña e akusashon
konvinsentemente probá i
ta bai di akuerdo ku fiskal.