Page 41 - EXTRA

Djarason 14 Novèmber 2018 41
Kòrsou ta kedando atras

Mas i mas pais den mundu bayendo den

produkshon di cannabis pa uso medisinal

WILLEMSTAD.- Mas i direkshon di produkshon di algun di nan hasta a regulá
mas pais ta bayendo den cannabis pa uso medisinal i cannabis rekreashonal. Si e
tendensia aktual sigui, aki
poko dia e industria aki lo
no ta interesante mas pa
e paisnan ku awor aki ta
deliberando i preparando
plannan al respekto. Un
di e paisnan ku tin algun
luna kaba ta studiando e
materia ta Kòrsou. Gobièrnu
di Kòrsou a indiká via di e
Ministerio di Salubridat ku
produkshon di cannabis
pa finnan medisinal ta un
konsepto ku lo bai studia
pero ku lo mester atendé ku
e koutela nesesario. Den e
kaso di Kòrsou ta papiando
solamente di e aspektonan
medisinal.
EXTRA tin informashon
ku for di algun luna kaba un
grupo merikano a ekspresá
deseo pa establesé un área
di produkshon di cannabis
na Kòrsou pa fin medisinal.
E grupo tabatin kontakto
entre otro ku promé minister
Eugène Rhuggenaath. E
grupo ta representá na
Kòrsou pa un prominente
komershante i ya kaba a
traha un plan di kampaña
pa bai duna informashon
riba e materia aki. E grupo
ta tratando di establesé
kontakto tambe ku Aruba
pa eventualmente e plannan
bai e isla bisiña, dado kaso
Kòrsou tarda demasiado den
e asuntu aki.
Gobièrnu di Kòrsou ta
interesá pa atendé e sektor
aki komo unu masha
potensial. Pero komo ku ta
un tema ku tin su riesgonan,
sigur polítiko pero tambe
religioso i di otro índole,
ta atendiendo e kaso ku e
koutela nesesario. Hasta
ta konsiderando pa tene
un diálogo nashonal riba e
asuntu aki. Den e diálogo
lo hasi un distinshon fuerte
entre e parti medisinal
i esun rekreashonal ku
gobièrnu di Kòrsou no ta di
akuerdo kuné.
Pero miéntras ku na
Kòrsou ta studiando e
materia mas i mas pais ta
mira e potensial di e sektor
aki i nan ta moviendo purá
pa haña parti di e bolo aki
ku ta kore den biónes. “Un
sektor di offshore nobo”,
asina un konosedó di e
materia ta bisa refiriendo
na e sumanan grandi ku
e sektor aki a nifiká pa
gobièrnu den pasado.
El a referí na diferente
estado di Merka kaminda

Sigui lesa pagina 46