Page 24 - AWEMAINTA

24 AWEMainta Diaranson, 24 October 2018

Refereenan a duna charla na hungadonan y coachnan

SV Riverplate cu miho conocemento di reglanan di futbol

REFEREENAN di Arubaanse Voetbal Bond

(AVB) a reuni cu e club di SV Riverplate, pa

un charla na e club cu splicacion di e reglanan
di futbol. E charla ta pa conscientisa y infor-

ma teamnan di e reglanan di wega, asina Oslin
“Oshi” Kock, Head of Referee, a expresa. Tin

hopi team cu no conoce e reglanan mucho

bon. Desde aña pasa AVB y e refereenan a
cuminsa cu e programa aki, pa conscientisa e

teamnan.

Den e ultimo dos añanan a adapta reglanan di

futbol. Tin hopi team no sa di e cambionan di

regla. Tin biaha ta haya nan cu durante wega
ta critica of ta grita pa algo, caminda sin sa

cu e reglanan a cambia. AVB su meta hunto
cu departamento di Referee ta pa sigui duna

aporte na Club nan pa asina tur por tin com-

prondemento di e regla nan di wega.

Durante e charla, Oslin Kock a mira cu e
interes tabata hopi grandi di parti SV River-

plate. Nan tabata un di e teamnan cu a pidi

pa e charla, di cual otro 4 team tambe a pidi
p’e charla. E interes di e hungadonan tabata

hopi bon. Refereenan asina ta cera miho

conoci cu e teamnan. Y di otro banda, e hun-
gadonan tambe ta cera miho conoci cu e regla-

nan nobo di wega, pa evita confrontacion y

discusion riba tereno di futbol durante pleno
wega.

Futbol ta e deporte rey na mundo, cu mas

hungado y mas fanatico compara cu tur otro

deporte. Cu e atencion di media ultimo añan-
an, a nota un crecemento pa cual e deporte

ta den desaroyo constantemente. Desaroyo
hopi biaha ta bay man den man cu cambio di

e reglanan, pa cual e hungadonan mester ta

bon informa di tecnica nobo, reglanan adapta
y formula diferente pa hunga futbol y pa tene

cuenta cu e sancion cu refereenan ta aplica

den caso di falta di cumplimento.