Page 11 - AVB

Sv Britannia Frisian Flag ta dal Dakota duro cu score di 4-2

Monday, 29 May 2017 16:13
Comparti

Diadoming tabata tin continuacion di playoff di futbol Arubano ora cu e Pumanan di Piedra Plat /
Paradera a topa cu e beinan di Dakota. Pa Sv Britannia Frisian Flag tabata un wega di must win y di otro
banda Dakota tampoco no por a permiti un derota.

E wega a cuminsa cu e siquente aliñacion pa Sv Britannia Frisian Flag; Lionel Kaarsbaan, Derwin
Donato, Theric Ruiz, Miguel Gutierrez, Alex Hassell, Johnatan Ruiz, Luis-Carlos Croes, Luis "Coco"
Estrada, Renier Paraez, Sebastian Montoya y Jean-pierre Fingal. Como reserve tabata tin; Aljee
Feleciana, Ericson Croes, Denrick Lopez, Jean-Carl Henriquez, Mairon Gutierrez, Keano Maduro y
Bruno Conceicao. E wega cuminsa y Dakota ta manda un señal cla pa e defensa di Sv Britannia Frisian
Flag ora cu Peñate ta bai laga defensa pero tereno ta keda chikito. Tabata na di di dos minut cu Ricky
Hodge ta cobra un corner y Emile Linkers ta drenta y toka e bala den gol pa Sv Dakota bai ariba 1-0.
Despues di e gol ey Sv Britannia Frisian Flag ta manera lanta for di soño y ta cuminsa toka e bala bon y
crea diferente chens di anota gol. Ta na di 34 minut di wega cu Sebastian Montoy ta duna Jean-Pierre
Fingal un paso perfecto y Jean-Pierre na su turno no ta basila y deposita e bala den net tras di Erik Abdul
pa empata e wega 1-1. Ta na di 40 minut cu Jean-Pierre Fingal ta duna Renier Paraez un paso cu hilchi y
unda cu Renier na su turno ta duna Luis "Coco" Estrada un paso perfecto pa manda Sv Britannia Frisian
Flag ariba 2-1. No a tarda mucho cu Sv Dakota ta reaciona ora cu na di 47 minut un biaha mas Ricky
Hodge ta hasi su mes liber y ta lora un bala cu Emile Linkers un biaha mas ta score pa empata e wega 2-2
y asina halftime a bai aden. Den di dos tempo Sv Britannia ta hasi un cambio ora cu Mairon Gutierrez ta
drenta na lugar di Johnatan Ruiz kende probalemte a sufri un lecion. Asina tambe Sv Britannia a haña
un area fresco y a cuminsa domina Dakota ariba casi tur liña.

Ta na di 65 minut di wega e dominio di Sv Britannia Frisian Flag ta duna su fruta ora cu Luis-Carlos
Croes ta drenta di banda robes y ta lora un bala cu e keeper Abdul ta saca cu su man pero ta keda den
laira y unda cu Sebastian Montoya Cano den un bunita chalaca ta fusila e keeper di Dakota pa hasi e
wega 3-2. Di e forma aki tambe Dakota a manera cai den un slump y Sv Britannia a keda domina e wega y
ta na di 88 minut cu Luis "Coco" Estrada ta duna Luis-Carlos Croes un paso y Luis-Carlos na su turno ta
duna Coco un paso di careda y den un forma magistral Luis Estrada ta lop e bala over di e keeper Abdul
pa hasi e wega 4-2 cu cual score e wega ta caba tame. Un pabien na e hungadornan y staff di Sv Britannia
cu e 3 puntonan importante aki, pero ainda falta hopi pa jega final. Despues di e prome wega Dep.
Nacional a topa cu RCA cual wega tambe tabata crucial pa ambos team y aki Dep. Nacional tabata sa di
gana 1-0 cual gol a wordo anota pa medio di un pinalty. Cu e resultadonan aki tur 4 team ainda ta na
bida. Sv Britannia Frisian Flag su proximo combate ta diabierna awor contra di Dep. Nacionl cual lo bira
un must win situation pa Sv Britannia.