Page 7 - AVB

ORANJESTAD (AAN): Diadomingo atardi AVB tabata tin continuacion di Playoffs di nos
futbol local division di honor, na unda cu e ekipo di SV Dakota a enfrenta Britannia. Un
partido na unda cu e ekipo di SV Britannia mester a gana, pa asina nan wanta nan
cabes riba awa. Pa locual cu ta trata e ekipo di SV Dakota, nan tabata busca pa gana e

partido pa asina nan por ta comodo den e standings. Na momento cu e partido a inicia,
e ekipo di SV Dakota a Sali brabo y a anota e prome goal. Tur indicacion tabata mustra
cu SV Dakota no a bin pa haci wega y a bin pa gana. Despues di un rato e ekipo di SV
Britannia a lanta for di soño, y a cuminsa anota varios goal tras di otro. E racha di goal

a pone cu e ekipo di SV Dakota a cay den otro y pa nada bon no por a bin bek. Pa SV
Dakota esaki tabata un flashback despues di nan ultimo derota na momento cu SV
Deportivo Nacional gana nan cu un score di 4-0. Na final e wega a termina na fabor di
SV Britannia cu un score di 4-2. Esaki tabata e prome wega cu SV Britannia a gana

durante full e playoff mirando cu nos ta den e di 2 round. Foto pa cortesia di Futbol
Aruba.