Page 4 - AVB

ORANJESTAD (AAN): Despues di a derota e ekipo di SV Dakota, diadomingo a toca
turno un biaha mas pa e orguyo nan di SV Deportivo Nacional subi tereno pa asina
enfrenta e ekipo di SV RCA. U partido na unda cu ambos ekipo a Sali pa gana. SV RCA
di nan banda kier a retene nan posicion den standings mirando cu nan tabata na prome

lugar. Di otro banda un SV Deportivo Nacional despues cu nan a derota SV Dakota, a
keda cu e smak di Victoria di nan boca y tabata loco pa mas. Na momento cu e referee
a duna inicio na e partido, ambos ekipo tabata menaza frecuentemente pa hinca goal,
pero tabata na e momento riba un hugada entre un hungador di Nacional y e keeper di

RCA cu referee a canta penalty. Cu e anotacion di e penalty, SV Deportivo Nacional a
hinca nan prome goal. Despues di un rato referee a canta un otro penalty na fabor di
RCA. Tur hende den stadion a kere cu e wega lo a tabla, pero, esaki no tabata e caso,
mirando cu e hungador cu a scop e penalty, a scop esaki den man di e portero. Na

final, e partido a termina 1-0 na fabor di SV Deportivo Nacional. Diabierna awo e ekipo
di SV Deportivo Nacional lo bay topa cu SV Britannia, y cu un Victoria ta pone nan 1 pia
den final. Fanaticonan ta keda cordialmente invita pa yega stadion pa apoya nan ekipo.