Page 40 - MIN SOC

AWEMainta Diahuebs, 19 Januari 2017 19

Confiansa den nos economia ta traduci den mas inversion “FAMIA van Nes ta conoci pa nan envolvimento den turismo y cu

Minister Richard Arends e inversion aki nan ta confirma e confiansa den desaroyo di turismo
y e oferta culinario pa turista y nos localnan mes.
Mi ta masha orguyoso di nan”, asina Minister di Asunto Economico
ta felicita Asi es Peru y Comunicacion, sr. Richard Arends a duna di conoce.

“Cada apertura ta sinonimo di confiansa,
Restaurant cu su apertura di inversion, di empleo y di oportunidadnan”.

“Asi es Mi Peru Restaurant” di Roxanne van Nes-Salinas ta situa
na Paradise Beach Villas y ta ofrece un menu cu sabornan mas
reconoci mundialmente pa Aruba… e sabornan netamente Peruano.
Separa di su menu unico, e restaurant bao di e gazebo ta presenta
un mercado Peruano genuino unda por cumpra acesorionan tipico
Peruano, di cual parti di e placa ta bay pa Fundacion di Cancer
(KWF) na Aruba.
Paden tin un area mas formal pa disfruta bo cena cu ta consisti di e
variacion grandi y colorido di cumindanan cu ta haci Peru famoso
den mundo.
Riba e di dos piso tin un area priva pa funcionnan special cu un mesa
grandi central cu 14 asiento, dushi pa cumpleaño of fiesta familiar.
T’e intencion pa desaroya un menu di e Mesa di Chef presentando
e costa di Peru, e Sierra (cero) di Peru y e Selva di Peru pa medio di
creacionnan culinario en vivo pa gruponan chikito. Esaki lo cuminsa
na juli 2017.

Ta bon pa informa cu pa di 5 aña consecutivo, a nombra Peru como
e destinacion culinario cu ta encabesa Sur America pa World Travel
Awards (WTA), considera pa hopi como e media di biahe igual n’e
“Oscars”, asina Minister di Comercio Internacional y Turismo
Magali Silva a anuncia recientemente.

“Ta mi intencion pa promove e aña aki tur oportunidad cu nos
economia dinamico tin di ofrece, tanto den turismo,
den comercio, industria petrolero, construccion y tecnologia.
Hunto nos ta sigui traha duro pa desaroya
y diversifica nos economia mas ainda”
, asina Minister Richard Arends a termina bisando.