Page 64 - MIN SOC

localmente. E hotel aki ta gasta 18 miyon dollar pa aña, cu ta 1.5 miyon dollar pa luna, pa tur
dos hotel, segun Wix. Esaki ta solamente di cuminda y bebida so. Tur cos ta wordo haci
localmente. Tin 200 mil dollar mensual cu ta wordo gasta extra na mantenimento preventivo.

Inversion local

Wix a splica cu, mas cu 90% di tur loke ta wordo bebi, comi, uza na Aruba, Riu hotel ta cumpra
localmente. Tur loke tabata bin di afo, tur ta wordo cumpra via di empresanan local.
Basicamente tur cos nan ta cumpra local awendia y pa hopi placa. Den e dos hotelnan aki, nan
ta gasta cu cuminda y bebida so 18 miyon dollar pa aña, manera ya menciona. Nan ta sirbi
Balashi aki, cu ta un empresa local. Mientras cu nan ta haya cerbes hopi mas barata for di afo,
pero nan ta manten'e local pa hink'e den compania local. Fuera di cuminda cu bebida, full e
mantenimento y tambe e resto di cosnan nan ta cumpra local. Tur loke por wordo cumpra pa
mantencion di e hotel, ta wordo cumpra local. Pero esey ta totalmente los di e caso di e
empleado retira.

No lo gasta tempo mas

Wix a splica cu ora cu lesa e vonnis, ta berdad ta haya un otro impresion di e realidad, pasobra
e hues, manera a bisa, desafortunadamente, a asumi un situacion caminda cu tin un minibar,
manera ta custuma cune cu boter chikito, no ta e caso na Riu.