Page 6 - UTILITIES

Franklin Hoevertsz di Utilities:Ningun peticion a drenta pa
procesa nada di 50 miyon pa gobierno corda pa campaña

Monday, 24 April 2017 21:41
Comparti

Nos a combersa cu sr. Franklin Hoevertsz, kende ta director di Utilities. El a papia di aclareacion
caminda cu ta wordo menciona door di opositornan politico, cu Gobierno a bay bati na porta y a haya

50 miyon pa campaña di parti di WEB. Con cu bay bin Utilities ta responsabel pa e compania di utilidad.
Glenbert Croes di MEP mas cu un biaha a laga sa cu gobierno a exigi WEB busca fianza di 50 miyon. E no
kier bisa ken a bise pero si cu ta hende di gerencia. Utilities ta desmenti tur loke Glenbert di MEP a bisa.

Hoevertsz a splica cu Gobierno no a pidi nada di esey. No tin nada coriendo. Dividendonan ta esunnan
normal cu ta wordo duna na Gobierno y no a bin nada pa extra 50.

Ta normal pa pidi pa campaña?
Loke cu Gobierno ta haci cu dividendo ta Gobierno su cuenta. Nan ta bin pidi dividendo na companianan
y loke Gobierno ta haci cun’e, ta su asunto. Nan no ta bay wak con Gobierno ta gasta e placa.
Den esaki ta minister di finansas tin cu puntra con Gobierno ta gasta e placa, segun Hoevertsz.

Di unda e ta bin

Riba riba Hoevertsz a scucha di dje, pero no conoce e fuente. No por confirma nada. Loke por bisa cu di
banda di Utilities, no a haya ningun peticion ni por procesa nada pa 50 miyon, el a splica.