Page 8 - UTILITIES

Prijs halto

E prijs cu a wordo menciona, no tabata algo cu por acepta, segun Luis Oduber. Ainda por ta no tabata un
done deal tampoco, no tin nada, segun Oduber. E tabata hopi tempran den e negociacionnan. Ta
papiando cos di mas of menos un 6 luna pa 1 aña pasa. Na e momento ey tampoco no tabata tin idea kico
e gastonan lo bay ta pa core e liña for di e facilidadnan.

Kico por spera di WEB
Luis Oduber a splica cu loke pueblo por spera di WEB, ta cu nan lo sigui haci nan maximo esfuerso pa
opera mas eficiente posibel y esey ta hopi orguyoso di e team cu tin na WEB. E operadornan y e grupo di
mantene e ekiponan disponibel pa opera. Tin reto y proyecto. Ta keda traha riba esey ta trahando tambe
riba gas. Na momento cu tin cosnan concreto, lo anuncia kico mas lo por tin. Naturalmente semper ta
boga pa por duna e bon noticia na pueblo. Pero awor aki, pa termino corto, ta trahando haciendo todo
por todo pa e eficiencia principalmente.

Campaña politico

Glenbert Croes di MEP na mas cu un conferencia di MEP a bisa cu WEB a bay fia 50 miyon pa gobierno
campaña. Luis Oduber a splica cu te awor aki no a haya ningun peticion riba sponsoring di un campaña
politico. E mes no sa for di unda e informacion aki a sali, ni tampoco no ta hinca su mes den asuntonan
politico. Es mas, e peticion, si bin un peticion ta via nan accionista, cu ta Utilities. Tabata den
combersacion cu nan y no tin nada al respecto.

Utilities ta practicamente doño di WEB. E unico cu por bati na porta di WEB ta Utilities, pero no ta kere
cu algo asina lo bay tuma luga.