Page 52 - MIN JUS

Gabinete Mike Eman a tuma despedida di S.E. Gobernador
Fredis Refunjol

Tuesday, 13 December 2016 21:14
Comparti

Diamars merdia henter Conseho di Minister di Gabinete Mike Eman II a realisa un encuentro cu S.E.
Gobernador Fredis Refunjol.
E ocasion a sirbi como reunion caminda a repasa e desaroyonan nacional durante ultimo añanan, pero
tambe pa gradici y rindi honor na e funcionario mas halto di Gobierno di Aruba. “Hopi biaha Gobernador
a fungi como consehero y guia pa nos. Nos Ministernan a expresa nan gratitud pa e sosten,pero tambe pa
e amistad cu a crea na caminda,” asina Prome MInister Mike Eman a declara na su salida for di reunion
special.

Sin duda algun, Gabinete Mike Eman I y II a comparti momentonan grandi den Reino cu Sr. Fredis
Refunjol como Gobernador. Tabatin, por ehempel e bishitanan Real, pero tambe e momentonan di
tension manera discusion riba presupuesto. Durante e encuentro di diamars a papia riba esakinan y riba
e papel importante cu cada un mester a asumi pa supera e diferencia di opinion y yega bek na union y
respeto mutuo.

Premier Eman y su Gabinete ta felicita Su Excelencia Gobernador Refunjol tambe cu e condecoracion
halto cu el a ricibi recientemente di Cas Real riba peticion di Gobierno y pueblo di Aruba. Esaki no por
tabata otro, ya cu den Gabinete Mike Eman ta biba awe un emocion di a traha hunto cu un persona cu un
trayectoria largo.
“Saludo y brindis grandi na honor di Gobernador cu deseo pa Creador por guia y dun’e tur felicidad mey
mey di su casa, yiu y nietonan; pa e por disfruta despues di a dedica su bida na pueblo di Aruba como
maestro di scol, Parlamentario, Minister y ultimo como Gobernador,” tabata e palabra di Prome Minister
Eman.
Adicionalmente, lider di Gobierno a enfatisa cu “Gobernador a hunga un papel hopi central pa Gabinete
Mike Eman I y II. Awe nos ta expresa palabra di hopi gratitud, brasa fuerte y te hasta lagrima, despues di
a pasa den circumstancianan fuerte, pero basa riba respet y amistad, a sa di supera e momentonan ey pa
sigui traha na bienestar di nos pais.”