Page 49 - MIN JUS

Diego de Cuba di STA: Trahadonan di Serlimar no lo bay
hiba sushi ni pa Ecogas ni pa Ecotech

Tuesday, 13 December 2016 21:16
Comparti

Un di e preocupacionnan di e habitantenan y Gobierno ta e sushi, cual nan kier hiba Ecogas, pa
transforma esaki den gas. Esey ta pa Januari.

Diego de Cuba, presidente di STA a splica cu e trahadonan di Serlimar no lo bay hiba sushi pa Ecotech ni
pa Ecogas. Si esey mester pasa, lo bay bin un paro. De Cuba a cante cu nan no risca mes di pusha e
trahadonan den esey, pasobra si nan mester risca di pusha e hendenan den e situacion ey, ta paralisa e
operacion di biaha.

Si nan bay dump e sushi na Ecogas, lo bay bin welga. Esey no ta bay pasa, de Cuba a splica y a trece bon
cla dilanti tambe. Locual cu e hendenan aki ta uza pa nan kima pa genera gas, e resto di e sushi ey nan
mes mester trece na Serlimar, esta Parkietenbos.
Gobierno ta trahando riba un masterplan mas grandi, pa wak con ta bin pa un solucion, pasobra e ta
desagradabel pa e habitantenan di Simeon Antonio y Parkietenbos ora cu biento bira. Ta scapa di dje ora
cu biento bira. No ta bay ta asina cu Parkietenbos ta bay dal cera. Parkietenbos ta keda hari
normalmente. Ta haci un apelacion na minister, pa reactiva e planta na Parkietenbos. Esey tambe ta un
apelacion cu ta wordo haci na dje y un paar di shen mil florin por haci esey, pasobra ta un duele grandi
pa mira con 28 pa 32 miyon ta bay perdi pa motibo di terkedad. Gobierno di Aruba, a para duro, a bringa
Bouldin and Lawson y a perde varios caso den corte. Pasobra si nan bolbe bay corte, nan ta bolbe cay.

E mashin cu a wordo busca, tabata funciona. Tin trahado di Serlimar cu a traha cu e mashin y e mashin
ey tabata funciona. E ta keda un call di Gobierno atrobe. Gobierno ta 100% doño di Serlimar si wak bon.
E ta keda un call di Gobierno na final di cuenta toch, kico e ta bay haci. Nan tin di consulta si cu Gerencia
di Serlimar y nan tin di consulta cu representantenan di trahado. No por gewoon zomaar hisa benta.
Loke ta di lamenta cu hendenan ta bin den prensa y grita, ta coy loco. No ta yega cera cos. Ta patrimonio
nacional di Aruba. Un biaha mas, pa trankilidad reina, Parkietenbos no ta bay cera. Kisas lo wordo
converti den algo otro, pero e trahadonan eyriba ta bay keda traha y STA lo keda sostene nan tambe. No
ta bay tin bashamento di sushi, ni pa Ecogas of pa Ecotech. Si esey pasa, esey lo nifica accion. Esey no lo
bay pasa por lo pronto.