Page 60 - MIN JUS

Minister Alex Schwengle: A trata dos ley den Parlamento den
un sesion basta cortico

Tuesday, 13 December 2016 21:26
Comparti

Nos a combersa cu minister Alex Schwengle, kende tabata tin un reunion den Parlamento. El a conta cu e
reunion aki tabata uno basta cortico.

A pasa dos ley. E prome ley tabata concerni unda cu ta ancra landsbesluiten cu a traha tocante cierto
malesanan cu a bin acerca, entre otro Zika y Chikungunya. Mientras tanto a agrega un otro malesa cu no
tabata riba lista ainda manera Creutzfeldt–Jakob y por traha e landsbesluit. Dado momento cu e malesa
contagiosonan aki mester wordo ancra den e landsverordening mes. Tabata tin algun critica di parti di
oposicion cual ta berdad, pero e proceso ta andando y ta tuma su tempo, unda cu nan a haci un remarca
riba international health regulation. Tin un maneho y a wordo traha hunto cu otro paisnan den reino,
unda cu REVM di Hulanda, ta e focal point di e International Health Regulation di reino Hulandes y
Aruba tin su mesun subfocal point. Corsou tambe tin di su mes y tambe St. Maarten, pero na fin di dia, e
responsabilidad grandi di IHR ta keda na Hulanda. Aruba tin su maneho y ta trahe hunto cu e
partnernan den reino. Parti di e proceso aki ta pa caba cu e ley. E ley a wordo traha. Ultimo cambionan ta
wordo haci na Directie Wetgeving y e ora e ta cla pa cana e caminda normal y den curso di otro aña,
prome cu Juni, e ley lo pasa na Staten y lo bay e ora pa wordo discuti. En principio e proceso di
International Health Regulation ta termina. No ta algo cu ta lubida of haci algo fout, pero ta asina e
proceso ta y ta canando su caminda masha netjes mes y si compara cu hopi paisnan internacional.

Tabata tin e di dos ley cu a pasa. E di dos ley ta esun cu ta duna di acuerdo pa e posicionnan material, e
ekiponan di landslaboratorium bay over pa FSLMA, pero no por nada. Den e sentido cu ta duna ok, e ora
pa laga taxeer kico tur e balor ta di e aparatonan aki y e ora lo bin un acuerdo primariamente den e caso
aki entre AZV yFSLMA cu ta tuma e landslab over y despues land lo regla cu AZV. En todo caso no ta algo
cu ta regalando FSLMA e posicionnan di pais por nada. Esey no ta e caso tampoco. Ley aki a pasa. No
unanimamente. Oposicion a vota contra door cu segun nan Gobierno no a haci nan best suficiente pa e
trahadonan, pero e minister no ta pensa cu ta berdad. FSLMA ta un stichting riba su mes, bao di guia di
stichting di Hospital, Stichting Ziekenverpleging Aruba y e ta un rechtspersoon riba su mes. Gobierno no
por negosha pa FSLMA. Un cos si ta haci, ta varios biaha na mesa di negociacion. A monitorea e dealnan
cu a wordo duna qua contract en general, e dealnan no tabata mal deal. Claro cu nan ta perde cierto
derechonan como ambtenaar pasobra nan no lo bay ta ambtenaar mas, pero varios derecho si a keda,
entre otro e ambtenaarnan cu lo bay over, lo mantene nan pensioen como ambtenaar, cual ta un garantia
cu Gobierno a duna, pero cierto otro aspectonan no por wordo duna, door cu ta haci e operacion e ora di
FSLMA sumamente mas caro y e ora nan posicion pa por concuri cu e otro laboratorio den futuro, ta
haci’e sumamente dificil y no esey so. Ta bay ocasiona e ora un discrepancia grandi den bo trahadonan.
Ta haya trahadonan cu ta bay tin hopi mas derecho cu e trahadonan y esey no ta e posicion cu kier pa un
negoshi manera un laboratorio. E no ta bay ta bon pa e paz y trankilidad den e organisacion y esey tambe
por tin su efecto pa e calidad cu e laboratorio ta suppose di duna.
A yega toch na un deal, cu a wordo ofreci na e trahadonan. Varios a bay di acuerdo y tur e contractnan a
firma. Un parti chikito di e ambtenaarnan a firma, pero ta keda toch un parti grandi di e ambtenaarnan
cu a bisa cu nan ta bin bek pa varios motibo. Algun ta bisa cu pasobra nan no ta di acuerdo cu e deal toch