Page 63 - MIN JUS

Minister Mike de Meza: Si tin un sinergia di un compania cu
e otro na fin di dia e ta un win win situation

Tuesday, 13 December 2016 21:10
Comparti

Por a sinti for di sindicato STA, cu na momento cu e truck di Serlimar yega Ecogas pa dump, nan ta pone
e luga plat.

Sa cu Gobierno tin un plan pa e sushi di cas, cu ta wordo recogi pa Serlimar yega eynan.

Segun minister Mike de Meza, ta studiando e opcionnan. No tin ningun Ecogas of Ecotech lo take over
Serlimar. Esey no tabata den ningun momento un punto di discusion. Tin diferente compania na Aruba
cu ta activo den inzammeling y eventualmente verwerking y bewerking manera nan ta bisa, di
desperdicio y eynan tin cu wak si tin sinergia di un ke otro of cu mas. Esey tin cu haci’e riba un manera
responsabel. Den ningun momento tin intencion pa un compania take over un otro compania. Esey ta
mas bien discusionnan politico pa consumo local cu tin. Gobierno tin un responsabilidad pa deal cu e
situacion di despeerdicio na fin di dia. Serlimar ta haci full e ophaaldienst. Tin e porcentahe dimas halto
cu tin na Aruba. Serlimar tin e operacion di e landfill na Parkietenbos y e no por sigui. Mester busca un
solucion. Esey ta e modelonan cu tin riba mesa. Cu Gobierno so por hacie, ohala. Si tin un sinergia cu
otro compania, e ora tin sinergia cu otro compania. Tur compania na Aruba, na fin di dia, si Gobierno di
Aruba ta doño di dje si of no, ta busca sinergia cu otro y ta coopera cu otro riba diferente nivel. Si tuma
por ehempel den pasado e gevoel cu tabata tin entre Digicel y Setar, cu Mio, etc. awendia tin basta
sinergia cu e companianan aki. Sa haci cierto proyecto of trabaonan hunto of un ta cumpra servicio di
otro. Na fin di dia tin diferente compania na Aruba y si tin un sinergia di un compania cu e otro cu na fin
di dia ta un win win situation y ta sali na e algemeen belang cu ta papia di dje di pais Aruba y caminda bo
ta garantisa tur trahado cu ta mantene nan trabao, e ora Gobierno tin cu tuma su decision con pa
soluciona e problema aki, pasobra e ta afecta Aruba den su totalidad y sigur sigur esnan cu ta biba den e
area di Parkietenbos ta wordo hopi afecta den esaki y pa añanan caba.

Segun minister de Meza, Gobierno semper, tur hende a busca solucion, uno a busca diferente solucion.
Otro solucionnan no a funciona y ta bezig cu modelonan cu ta convenci cu den e modelonan aki nan
mester ta hopi proven y cu tin un caso di exito cu una bes haci esaki e ta wordo ehecuta corectamente y
riba un manera responsabel tambe cu e ta bon pa tur esnan cu ta biba den vecindario, pero ta bon pa e
modelo tambe di negoshi di Serlimar mes. Ta bezig cu esey, segun e minister.

Gobierno ta bezig ta haciendo diferente analisis. Mescos cu Ecotech tambe ta haci uzo di Serlimar, por tin
sinergia cu e companianan aki por haci algun trabao sin cu un perde un derecho of sin cu un bay over den
otro. Mester por haci cierto trabaonan hunto, si ta un win win situation. Si e ta make sense, por haci uzo
di dje y hopi biaha ta haci uzo di dje, den un periodo transitorio. Na momento cu ta bezig cu un proyecto
of mester deactiva of haci diferente trabao, e ta un tiki voorbarig ora scucha e discusion y ta mira tambe
cu hopi ta esnan cu ta haci uzo di e discusion aki pa beneficio politico. Como gobernante mester haci e
trabao cu ta sali na beneficio di tur hende na Aruba y no un partido politico of esnan cu awor aki ta
opositor, lo sali sigur sigur. Tur cos pa nan ta malo loke Gobierno haci, nunca nan ta bin cu un
alternativa. De meza ta lage como un discusion politico pa consumo local y lo sa di mustra cu locual ta