Page 43 - MIN ON

DIA DI ENSENANSA

Published on November 30, 2016 in Boneiro
KRALENDIJ, Boneiro

Riba djaweps, promé di desèmber 2016 lo ta dia di Enseñansa. Esaki ta un dia hopi
inspirá rondo di Enseñansa i edukashon i su desaroyo pa tur partnernan di enseñansa
eskolar na Boneiru. Komo tal, en partikular e dosentenan, ku ta komprometé nan mes
ku amor i pashon pa nos muchanan, nos hóbennan, nos studiantenan. Pues ku otro
palabra e maestro/a destaká ta kapas pa inspirá i motivá su alumnonan òf su studiante.

Enseñansa ta prepará realmente e siguiente generashon pa bira e suidadano aktivo
duradero riba merkado laboral di futuro i muchu mas ku esaki. Enseñansa ta sirbi komo
un vehíkulo pa nos muchanan por krese den nan bida hóben, e ta prepará e próksimo
generashon pa sigurá un sobreviviensa briante pa nos isla.

E ta alabes enrikesé kombibensia di suidadanonan, i ta desaroyá konosementu nobo.

Riba su mes enseñansa ta tantu un derecho humano komo un medio indespensabel pa
realisá otro derechonan humano.

E ta defakto e vehíkulo mas importante ku ta pèrmití tantu e adulto komo e hóben
ekonómikamente komo sosialmente pa saka nan mes for di pobresa i pa atkerí e
fondonan pa partisipá plenamente na e bida diario den nan komunidat.