Page 44 - MIN ON

Ta p’esei Gobièrnu di entidat públiko Boneiru ta rekonosé enseñansa komo un di e
mihó invershonnan ku un gobièrnu por hasi pa su suidadanonan. E asina yama “
Tweede Onderwijsagenda” pa Caribe Hulandes ta un di e hopi ehèmpelnan pa Karibe
Hulandes. E “ Onderwijsagenda” aki ta nifika: Traha den ekipo pa logra ekselensia. E
asina yama “ de volgende stap” ta inisia promé di yanüari 2017 te ku 31 di desèmber
2020. Su meta ta ku alumnonan di Karibe Hulandes (e islanan Bonaire, Sint Eustatius i
Saba) ta risibí enseñansa den 2020, kaminda e kalidat minimalmente ta kualifiká na
normanan Hulandes-Oropeo, pero ku ta tambe debidamente mehorá i komo
konsekuensha un tendensia kresiente den e resultadonan di enseñansa.

Aki tambe e dedikashon di e dosentenan i tur partner ku enbolbí den enseñansa ta di
importansia.

Gobièrnu di Boneiru ke felisitá tur nos muchanan ku ta bai skol i tur studiante ku ta hasi
esfuerso pa logra den bida, tambe Gobièrnu di Boneiru ta felisitá
maestronan/dosentenan ku e tarea sumamente importante diariamente pa motivá i pa
hasi esfuerso atraves di guia i tambe siña nos muchanan, nos hóbennan, pasobra nan
ta e futuro di Boneiru!