Page 11 - AWEMAINTA
P. 11
Diaranson, 22 Mei 2019 AWEMainta 11
Persecusion
di un BMW a
bin caba den
Apelsinastraat
na Tarabana,
cu detencion
di un persona
DIAMARS atardi den Dakota habitan-
tenan tabata scucha masha hopi sirena
di Polis, y tambe por a mira movecion di
diferente patruya.
A resulta cu nan tabata persiguiendo un
BMW, segun nos a compronde un ca-
minda den Playa patruya a dune un se-
ñal p’e para, pero e chauffeur no a sigui
ordo di Polis y a opta pa sigui bay.
Mesora e patruya policial a avisa cu e ta
tras di un BMW y cu esaki a bay area di
Cumana cu Tarabana.
Den algun minuut patruyanan ta topa
cu e BMW cu un conocido di nan na
stuur. Mesora a blokia e auto y a saca e
chauffeur pone riba caminda. Ey ta ca-
minda el a wordo poni den boei.
Mientrastanto transportwagen tabata
na caminda pa buske. E problema apar-
entemente a cuminsa debi cu e chauffeur
tabata coriendo auto roekeloos, y Polis a
bay hala su atencion, pero e chauffeur lo
a spanta y a core bay.
A pidi takelwagen, pero na yegada di e
takelwagen e no tabata necesario mas,
debi cu tata di e chauffeur mes a yega
n’e sitio y a bay cu e vehiculo.
