Page 35 - AHATA

ministernan tin cu duna aprobacion di e plan, ta keda importante. Pero finalmente ta APA

lo dicidi kende lo bay haya e tereno.

E PAPEL DI APA

Figaroa a splica cu gobierno, ta bay ta esencial den e proyecto aki, pasobra nan ta duna

aprobacion y nan lo keda vigila manera cu a keda palabra. Pero APA ta esun cu ta

responsabel p’e. Esey ta hopi importante. Nan ta responsabel. E mester wordo bon guia.

E ta bon traha, pero e ta keda cu su retonan. Mester wanta cierto camindanan duro, pa
logra loke tin cu logra. E ta un proceso burocratico. Figaroa sa cu e no ta bay facil, pero

cu confiansa y e ta optimista cu e lo bay bira un proyecto hopi bunita.

ENTRADA

APA lo bay genera entrada, pero no mucho cos. E ta mas bien algo cu ta pa Aruba. No

mag di perde placa si cun’e, pero no ta algo cu ta bay haci APA hopi rico. Si gana placa

mes, e dividendo ta bay pa gobierno. APA no ta traha pa APA mes, sino pa Aruba. APA

tey pa Aruba, nan no tey pa APA mes.

Locual cu ta bay gana cu e proyecto aki ta pa tur.

ULTIMO DIA

Dia 31 di December lo tabata ultimo dia di trabao di Jossy Figaroa. Pero gobierno a

acerk’e pa keda algun luna mas. Despues ta bay wak ta con e ta bay sigui. Pero awo lo

bay haya sa precies kico ta spera di nan. Tin di compronde di minister, cu e lo kier haci

uso di experticio di Figaroa y el a bisa cu e ta dispuesto pa yuda te unda e por. Semper el

a traha na bienestar di e isla. Si tin un caminda cu e por usa su experticio y su

experiencia, cu mucho gusto e lo haci’e.