Page 36 - AHATA

POSIBEL SUCESOR

Figaroa e proceso di seleccion a cuminsa for di Augustus. Hopi hende a solicita.

Gobierno te ainda no a tuma e decision. E tin su candidatonan. Ta algo toch cu gobierno

tin di fiha hopi bon. E persona cu ta bin eynan, ta bay tin un trabao grandi. E trabao mas

grandi ta pa realisa e proyecto grandi y nan kier busca un hende cu ta capas. E minister

kier pa haya un hende hoben. E kier rehubenece e luga. No ta un hende grandi pasa di 60.

Di un otro banda e kier experticio y den esey Figaroa ta sinti cu na momento cu e director

nobo bin, toch pa un paar di tempo sinta yud’e. Pero un biaha mas e ta den man di

minister, pasobra e ta representante di e accionistanan y e ta esun cu ta dicidi ken ta bin y

ken ta keda. Pafo tambe tin interes tambe den Figaroa, el a splica.

Humphrey Tromp tambe a solicita, pero ta keda na Gobierno ken pa apunta. No por bisa

ta ken ta bay bira e escogencia di Gobierno. Ta na gobierno pa dicidi ken lo bay bira

director di APA y si gobierno bisa pa Figaroa yuda e persona e momento cu e ta eynan pa

domina e trabao miho, Figaroa lo consider’e seriamente.

https://24ora.com/jossy-figaroa-orguyoso-di-e-logronan-di-apa-den-2018/