Page 61 - ECEM JAN 11

Gladys Croes-Saladin: Europeonan no ta gasta

Tuesday, 10 January 2017 21:58
Comparti

Por a mira movecion di turista y Gladys Croes-Saladin a conta con cos ta na waf chikito. E por
bisa cu tin basta barco ta bin, pero e barconan no ta carga e mesun turistanan cu ta haya
antes.

Awo hopi barco ta bin di Europa, cual e Europeonan no ta gasta. Ta hendenan friu y no ta gasta
mescos cu e mercado Latino cu tin of e mercado Mericano. Nan ta gasta mas cu esunnan cu ta
hayando awor aki.

E diferencia

Compara cu antes, e calidad di turista ta diferencia. Tin hopi competencia. Awor aki tin otro
tipo di turista. Ta haya hopi falta di e turista Venezolano. El a haci un efecto hopi grandi riba
benta. Nan tabata cumpra y tabata cumpra sin haci fastioso pa prijs.

E turistanan Europeo ta pidi hopi descuento. E prijsnan ta basta redelijk. Gladys Croes-Saladin
a splica cu e cosnan cu tin cu ta un tiki caro ta di marca. Pero por lo general e tin cos barata
eynan.

Mesun cos

Tin kiosco ta bende mesun cos. Croes-Saladin a splica cu hopi biaha e ta bende cosnan cu e so
tin, cual hopi biaha e no por baha prijs. Pero riba un producto cu tur hende tin tin cu bringa cu
e prijs e ora ey.

Sobrevivi

Te ainda nan por sobrevivi, pero pronto no mucho mas. Nan ta trahando hopi luga cu ta duna
competencia inhusto. Nan tur na waf chikito ta inscribi na camara di comercio, paga belasting,
paga BBO, nan ta contribui na caha di Gobierno. Pero no tur comerciante ta haci esey. Esunnan
cu ta mas pabao di nan , esey si e no sa.

Obra

Mayoria di e cosnan, ta cumpra na Aruba mes, pero ta bin di afo. E mes un temporada tabata