Page 65 - ECEM JAN 11

Mervin Wyatt-Ras: Apesar di cambionan den constelacion di
delegacionnan tin cu sigui cu e proceso continuo den

reunionnan di IPKO

Tuesday, 10 January 2017 23:15
Comparti

Presidente di Parlamento, drs. Mervin Wyatt-Ras ta informa cu diamars dia 10 di januari a inicia e
reunionnan di IPKO (interparlementair Overleg Koninkrijksrelaties).
E reunion aki entre e delegacionnan di Aruba, Corsou, Sint Maarten y Hulanda lo tuma lugar te cu dia 13 di
januari.
Ariba e promer dia tabatin diferente discurso di e presidentenan di Parlamento di Corsou sra. Giselle Mc
Williams, di St. Maarten sra. Sarah Wescott, di Hulanda sr. Jeroen Recourt y di Aruba Mervin Wyatt-Ras.
Despues a trata diferente tema.
Wyatt-Ras su discurso tabata cortico y fuerte. Despues di gradici e delegacion di Corsou pa e bon recpecion y
felicita e presisentenan di Parlamento di Corsou y di St. Maarten cu na nombracion y tambe felicitacion di e
constelacionnan nobo di Corsou y St. Maarten el a mustra ariba e hecho cu tin diferente cambionan den
constelacion y cu esaki ta dynamismo di bida y cu cambionan ta welcome den bida. Pero cu cambinan no por
stroba e proceso continuo den e reunionnan di IPKO. El a indica cu nos lazonan den Reino ta depende di e
contacto continuo entre representantenan di pueblo di e diferente paisnan den Reino. Sin embargo esaki
mester ta structura.
En bista di esaki e delegacion di Aruba a pensa pa no postpone IPKO manera anteriormente a ser trese
padilanti dor di otro coleganan. Ta di importancia pa papia tocante diferente tema. Wyatt-Ras a expresa su
deseo pa e delegacionnan por tin intercambio fructifero. Tur esaki a base di igualdad y respet mutuo y cu
mester sirbi interes di Reino. Wyatt-Ras a gradici un y tur y desea su coleganan un siman informativo y
productivo. Despues a trata diferente tema entre nan oportunidadnan economico den Reino, Presentacion di
un proyecto di energia thermico, cambio di clima y energia. Ademas a trata e tema Reino ideal den 2040. Na
final tabatin un presentacion y bishita na proyectonan di Waf. Pa e oro dianan lo trata e siguiente topiconan:
hobennan y hubentud, AOV/AOW hobennan, derecho di leynan iniciativa, prcedura pa Ley di Reino pa loke
ta trata areglo pa disputanan y dubbele taaltoets, integridad di gobernacion, Corte Constitucional, salubridad
publico pa despues haci un bishita na e Hospital nobo di Otrabanda. Diahuebs dia 12 lo tin un presentacion
di y bishita na e proyecto Oostpunt.