Page 69 - ECEM JAN 11

Ramon Garcia: Mester percura pa nos turista

Tuesday, 10 January 2017 21:52
Comparti

Loke a capta atencion ta e crusamento di turista den un trafico pisa ora cu tin hopi barco aden
y nan ta cruza caminda cu no ta zebrapad.

Esey ta un peliger. Segun Ramon Garcia, loke ta pasando cu ora cu tin crucero, tin turista
jaywalk, cual ta peligroso. Garcia ta para constantemente na e skina y ta bisa si nan por mira e
borchi caminda cu tin cu cruza. E ta papia diferente idioma, caminda cu e ta splicanan unda cu
nan ta crusa.

Ken cu ta cruza caya na Aruba y ta spera cu autonan no ta mishi cu nan y tin problema grandi.
Garcia a pidi na ex minister Otmar Oduber y Benny Sevinger tambe y a splica nan cu nan lo bay
haci un proceso y bay cera e skina pa e hendenan compronde cu no por crusa eynan. E ta
peligroso. Normalmente ora nan cruza y un ambulance touch nan, tin cu yama security di waf
pa e por yama e security di barco pa bay busca persona of pashent cu auto a rasca etc.

Tabata tin algun biaha cu turista a wordo mishi y nan ta keha.

Garcia ta splica cu su trabao ta pa Gobierno. Ta keda traha cu Gobierno pa entrega su trabao
manera debe ser pa cualkier incidente cu pasa eynan. Tin cu percura pa e turista yega na e
tram y cumpra den caya grandi y tin cu percura pa nan yega na e busstation y alabes pa nan
por bay cu e taxinan pa beach. E otro problema cu tin eybao ta cu ta mira cu tin busnan ta
coriendo pa beach cual no mag di haci'e. Tin un problema serio cu esey. Ta spera cu e minister
concerni cu pone esey bon riba mesa. Si un accident mester pasa hibando e turistanan aki
beach, kier wak cua seguro ta bay cubrie.

E permiso ta pa tour y ta wordo hiba na beach. Esey no mag. Pesey tin un busstation cu ta paga
$5 pa bay bin bek y no pa djis bentabo riba lama. Garcia ta contra di dje. Tin mester un
clarificacion cu minister por duna un sistema di voucher, baha e prijs drasticamente.

Aruba ta un isla bunita y inversion mas grandi ta wordo haci, Garcia a bias.