Page 56 - AVP

Rocco Tjon, Lider Di Fraccion Di MEP: Lo Entrega

Mocion Pa Urgi Gobierno Aloca 4 Miyon Florin Extra

Pa K.I.A.

 Featured
- 21/08/2019

Manera ta conoci siman pasa comision fiho di Parlamento encarga cu Asunto Hudicial a
base regular a reuni cu Minister di Husticia sr. mr. Andin Bikker. T’aki a palabra cu e
siman aki, ora trata ehecucion di presupuesto 2019, lo indica na Parlamento cuanto fondo
adicional tin mester pa tuma pasonan de inmediato pa eleva seguridad na K.I.A.

PASONAN CONCRETO Y INMEDIATO
Durante reunion publico Minister di Husticia a duna un splicacion amplio riba e situacion
actual na K.I.A. pa loke t’e seguridad interno. Tambe a splica ki pasonan ya caba a ser
tuma y cual lo bay tuma di immediato.

A elabora riba medidanan infrastructural, tecnologico pero tambe riba asistencia temporal
di Hulanda pa amplia e seguridad.

Pa por cristalisa e pasonan aki lo mester di entre 3.6 pa 4 miyon florin. Adicional riba
termino medio-largo lo introduci un “inmate tracking system”, pa cual a inicia e proceso
di “request for expression of interest”.

MOCION DI FRACCION DI MEP
Otro siman ora e reunion publico continua fraccion di MEP lo entrega un mocion den
cual ta urgi Gobierno pa dentro di e marginnan di presupuesto aloca e fondonan adicional