Page 54 - AVP

Rocco Tjon: Lo entrega un mocion pa urgi

Gobierno pa aloca 4 miyon florin extra pa

K.I.A.

12 HORA PASA , 21 DI AUGUSTUS 2019 09:35
SECCION: POLITICA

Manera ta conoci siman pasa comishon fiho di Parlamento encarga cu asuntonan Hudicial a
base regular a reuni cu Minister di Husticia sr. mr. Andin Bikker. Ta akinan cu a palabra cu e
siman aki, ora trata ehecucion di presupuesto 2019, lo indica na Parlamento cuanto fondo

adicional tin mester pa tuma pasonan de inmediato pa eleva seguridad na K.I.A.

PASONAN CONCRETO Y INMEDIATO
Durante reunion publico Minister di Husticia a duna un splicacion amplio riba e situacion actual

na K.I.A. pa loke ta e seguridad interno. Tambe a splica ki pasonan ya caba a ser tuma y cual lo
bay tuma de immediato. A elabora riba medidanan infrastructural, technologico pero tambe riba
asistencia temporal di Hulanda pa amplia e seguridad. Pa por cristalisa e pasonan aki lo mester
di entre 3.6 pa 4 miyon florin. Adicional riba termino medio-largo lo introduci un “inmate tracking
system”, pa cual a inicia e proceso di “request for expression of interest”.