Page 63 - MIN SOC

Aunke tin leynan pa protehe trahador tin tog un les cu nos a
siña di e caso cu Aura Casino

Wednesday, 25 January 2017 17:07
Comparti

Tin ley asina mes a bypassnan. Esaki ta den e caso di Aura Casino cu a sera y e proceso pa un grupo nobo
tuma over. Tin grupo cu a bay, no a cumpli. Minister Paul Croes cu nos a siña algo.

Ta un momento hopi importante, pasobra na momento cu a introduci un ley, mester mira si e ley por
wordo ehecuta tambe den realidad. Den e caso di Aura Casino ta un caso particular, pasobra su espacio a
wordo reduci cu 60%. Automaticamente no por tuma tur 44 trahado den e espacio nobo, pero den esey e
ora negociacionnan a bay pa mira cuanto ta e cantidad cu por tuma pa por continua den servicio. Cuanto
di nan lo ricibi un pago y kico e pago aki ta encera, kico ta lo mas husto tambe pa e operador nobo, esun
cu ta tuma e negoshi over. E balance ey ta loke tabata busca di dje. Den e caso aki tin cu bisa cu nan a
haya e cesantia paga, nan a haya 4 luna di salario cu nan lo ta ricibiendo den e siguiente simannan y e les
eynan ta, ta cu na momento cu tin un empresario, un compania cu ta cera y ta laga e trahadonan
desampara, tin leynan cu ta protehe e trahadonan y pa locual ta trata e caso cu a caba di scucha di Señor
Froggs, cual lo ta monitori’e. Si tin mesun tipo di operador ta bay continua den e proceso aki y tin
departamento di labor na e momentonan aki hunto cu SVB haciendo sondeo riba e status di Señor
Froggs, pa motibo cu no ta husto cu un trahado cu tin 19 of 20 aña den servicio, ta wordo ofreci dos luna
door di gerencia y pa bay di acuerdo cu esaki. Si continua cu mesun tipo di operacion tin derecho, na
momento cu faillisement cu cesantia, na momento di continuacion di operacion, tin derecho di drenta y
continua cu e trabaonan cu tabata haci pa e mesun compania.

Ta mira cu Aura tabata un bon testcase pa sondea con e ley ta funciona. Tin tres persona den e caso di
Aura cu ta bayendo corte pa busca mas fondo pa por haya nan derecho. Den e caso aki tin cu bisa cu lo ta
monitoriando. A duna instruccion algun tempo pasa na departamento di labor pa mira si e compania a
pidi bancarota, e ora e trahadonan tin derecho riba cesantia, cual ainda no ta e caso.

E siman aki nan lo ta tumando contacto cu e trahadonan, pero tambe cu gerencia, pa mira e status y mira
unda e trahadonan ta para, si nan ta ricibiendo salario. Si e compania no bay bancarota, nan ta suppose
di cobra nan salario. Naturalmente apoya nan den e proceso aki.

Como minister di labor, Paul Croes, ta para pa tur e trahadonan cu den un of otro forma ta wordo afecta
negativamente, pa motibo di decisionnan tuma door di negoshinan. Unda cu por yuda semper Gobierno
lo tey eynan, un biaha mas guia door di departamentonan y mediador di Gobierno.