Page 46 - HOSPITAAL

E realidad mas dificil ta con ta bay sigui brinda e mesun calidad di servicio, y na e
mesun momento cu tur sorto di construccion ta tumando luga. Esey ta un reto basta
grandi.

P’esey semper a pone hopi borchi, pidi pa comprension di e pashentnan, pero tambe
vooral di tur e trahadonan. Traha henter dia den desordo, traha henter dia ora bo ta
mira hende cu ta cana den un luga caminda cu no mester ta canando, apesar cu ta
purba di evita tur eseynan, esey ta pasa diariamente.

Dr. Rajnherc ta gradici tur pashent y trahadonan pa nan bon cooperacion pa e
temporada dificil aki.

Unda Imsan ta para awo ta bayendo basta bon, segun dr. Rajnherc. No solamente pafo
bo ta mira e progreso cu ta tumando luga.

ImSan ta traha riba pida di nos baranca cu no ta baranca, sino klei. Esey a haci cu

mester coba buraconan basta grandi y despues yenanan atrobe cu greis. E prijs siman
pa lunanan, bo no ta wak nada ta pasando, pasobra ta coba un buraco y ta yena e
buraco. Bo tey bek na bo startpoint e ora.

Awo si por mira cu ta haciendo e buraco cu a traha, ta cuminsa pone eynan e fundeshi.
A cuminsa cu e fundeshi pa e bunker, e cas unda lo bay tin e mashin pa duna e
tratamento di bestraling, e radiotherapie.

Ta bayendo hopi bon. Diabierna ta spera di haci e ultimo bashamento, e bashamento di
mas grandi. A caba di ricibi bishita di fabricante di e machin di radiotherapie. Nan ta
hopi contento con e proceso ta andando.

Nan a duna permiso pa bay sigui cu e bashamento. Tur e leiding, tur tubo, tur
conduccion mester ta na su luga. Pasobra despues cu basha e parti di concreto, bo no
por bay un dos tres, djis corta un pida concreto. E ta hopi diki. E ta meternan di
concreto cu ta wordo basha.

Diabierna ta un fecha cu lo corda den historia pasobra esaki ta nifica cu awo por bay
cuminsa lanta e murayanan di e cas di e bestraling.