Page 21 - WEB
P. 21
ORANJESTAD(AAN)–E argumento mas
importante cu Aruba por a uza pa scapa di e contracto di Citgo, ta e hecho cu e no
tabata consciente na 2016 cu e actual situacion lo a surgi na Venezuela.
Aruba lo por a basa su mes riba e hecho, cu no por a pensa riba e desaroyonan actual
ora a firma e acuerdo di Citgo Na varios ocasion DIARIO a insisti cu Aruba ta lomba
contra muraya den e acuerdo di Citgo.
Awe DIARIO ta presenta e prueba pakico Aruba no por defende su mes y mester acepta
cu e tabata na haltura di e peliger cu Venezuela tabata forma.
Dia 10 di juni 2016 den Palacio Miraflores na Venezuela, Mike Eman den su calidad di
Prome Ministro di Aruba, sin previo consentimento di Parlamento di Aruba, a mara
Aruba na un contracto cu Nicolas Maduro.
Ta importante pa uza e palabranan aki, pasobra na e momentonan aki Citgo ya no ta
un asunto economico pa Aruba pero un asunto huridico den cual aspectonan legal
mester wordo teni na consideracion.
E reunion aki y documentonan cu ta constata kico a wordo treci dilanti durante e
reunion, lo bari tur defensa di Aruba cu e no tabata consciente di e halto riesgo cu
Nicolas Maduro tabata representa pa Aruba y cu na interes di Aruba no mester a firma e
documentonan y sigur no sin e aprobacion di Parlamento.
Documentonan cu DIARIO tin di e reunion di Parlamentonan di Reino dianan prome cu a
firma e acuerdo di Citgo, ta mustra con miembronan di Parlamento di Reino a discuti
loke tabata pasa na Venezuela.
