Page 22 - WEB

E forma cu criminalnan por a drenta Aruba bou capa di refugiado, a wordo discuti y
hasta a wordo treci dilanti cu e situacion aki tabata presenta su mes.

E situacion politico di Venezuela a wordo ampliamente discuti, manera e prueba di

DIARIO ta mustra.

Rene Herde, lider di fraccion di AVP a mustra riba e peliger di refugiadonan, cu segun
miembronan di e Parlamentonan lo a huy for di Venezuela debi na e problema politico

serio na e pais, cu a wordo considera un posibel guera civil den e reunion.

E situacion tabata asina alarmante cu a dicidi di no spera te e proximo reunion ya cu no
tabata cuanto mas lo a falta pa e situacion rementa.

Den e situacion aki, gobierno di Aruba a bay firma e acuerdo di Citgo y awor no por
sconde tras di e hecho cu e situacion cu a presenta su mes na Venezuela a percura pa
cambio cu Aruba no por a mira adelanta.

Den Parlamento Hulandes semper tabata tin reserva pa e acuerdo cu a wordo firma y
cu Hulanda a considera decision directo y interno di Gobierno di Aruba, cu un siman
despues di e reunion a bay Venezuela pa termina negociacionnan cu Nicolas Maduro.

DIARIO ta presenta prueba pa tur su ponencianan cu mester bini investigacion di e
forma con e acuerdo a wordo introduci na Aruba, cu awor ta lomba contra muraya cu
su economia destrui.

https://www.diario.aw/2019/08/acuerdo-citgo-trampa-legal-pa-aruba/