Page 27 - AM181017
P. 27
Diaranson, 17 October 2018 AWEMainta 27
Indra y su sombre yen di storia
JUFFROUW Indra tin un
sombre yen di storia. Storia cu
juffrouw Indra tin yen gana di
conta e muchanan di Aruba. Ta
pesey dentro di poco e ta pak-
eta su maleta y ta coy un avion
rumbo pa Aruba.
Autora di buki pa mucha a
duna su sombre e nomber
‘Mijn vertelhoed’. Tin biaha e
ta fia su sombre na otro hende
y mes ora nan tambe ta bira
‘contado di storia’. E ta spera
cu e muchanan cu e ta bishita
tambe ta yen di storia. Algun di
su storianan ta: ‘Duku, Kakak,
de kakkerlak’, ‘Mevrouw Oma
met een bezem in haar hand’,
‘Leena en Jopie’, ‘de twee mui-
zen’, ‘de patat’, ‘de donuts’, ‘de
vlinders’.
Indra Hu-Ramdas ta biba na
Surnam cu su famia. Tempo cu
e tabata mucha muhe chikito el
a lesa masha hopi mes y semper
su fantasia a bay den mundo di
prins cu prinses. Y tambe sem-
per el a gusta conta storia. Na
2002 el a cuminsa publica sto-
ria y na 2011 el a publica ‘Het
levensverhaal van de rijstkorrel
‘ y ‘Rupsje regenboog’ hunto
cu su CD. Y asina su carera
den mundo di buki pa mucha a
sigui. Na 2012 el a gana e titulo
di ‘Autora di buki pa mucha
2012’ na Surnam. Ya Indra a
publica mas cu 12 buki.
Esaki ta di tres biaha cu autora
Indra ta bishita e muchanan di
Aruba den cuadro di Festival di
Buki pa Mucha di Biblioteca
Nacional Aruba.
